КЬУД Ц1АР ГУДА Ц1АРЦ1АР
циклдай
«Къакъудиз тамир вахт-ч1ав хиялрив!».
«Пине панагь я ц1уру чувалдиз».
Бубайри тунвай мисалар я кьван,
Гьалзавай уьмуьр тахьуй.усалди!
* * * *
Ватан хуьн,- ягъидиз гайи к1ур хьана,
Хенжел, хатавал хвейи, тур хьана.
Лезги динж хьанач къенин юкъузни,
Чил, кьве пайнавай, гъени къур хьана.
* * * *
Залан кьилиз гьача жеда гъил,
Заиф ч1авуз, чешмекди кьада вил.
Куьтягь жедай туш крарин къайгъу.
Мажал жагъура, шафа - гьал аку!
* * * *
Биц1ек патал умунвал я кьеб.
К1валин эмени, я абурни деб.
Мана, метлеб, асулвал адан:
Умудрин панагь, дидедин эдеб.
* * * *
Садбуру хуьзва к1ерет1 кьван «кьушун»,
«Кьушундин» къуват - тежерди т1ушун.
Чуьнуьхни гьарам хуьн патал ят1а ,
Мукьвал я абрун рагъ ак1идай хушун.
2015 й.
***
© Copyright: Фикрет Хидиров, 2019
Свидетельство о публикации №119082309079
Свидетельство о публикации №119082309079
Рецензии