Экаме бlатувсаш, сурт дилла хьожаш,
Йоагlаш латт гуйре, хьувкъош са цlа.
Даьла раьза хилва, лелаш-могаш
Ва со. Къе дац вахар селлара са.
Вай сомий гаьн тlара кхаьча сом боаккхаш,
Из мерза чамош , воагlа со хам беш.
Ха йоал ший амат йуха кердадоаккхаш,
Туйташ ма могга дог-оазален беш .
Бешахо хинна, ма къоашха лув со,
Ма хилва со цlаккха охца гlарйеш.
Бlаргаш дийна, товлгаш хинна тув са.
Ма воагlаволва lа со кхоана lехавеш.
Ший экам гойташ, онкарйувл гуйре,
Цох эгlаза ахар, ираз дайна дов.
Бlатувсаш хилар йист, гаьннара lуйре,
Цlа хьийкъа даьннад, сога са цхьоал тов.
Гlалгlайче, 22. Мангала бетта 2019 шу
Йоагlаш латт гуйре
© Copyright: Микаил Сапралиев, 2019
Свидетельство о публикации №119082202551
Свидетельство о публикации №119082202551
Рецензии