ГIалгIай улица тIа...

(таржам)

(ГIалгIайчена сийна Гуржий керттерча гIалий тIа,
Тбилисе, улицаха цIи тиларах лерхIам беш)

Со волалу ГIалгIай улицагIа –
Дунен машар, доттагIал хьедеча,
Малхах тарча, Гуржегlен гIалий тIа
Я цу цIерагI – дог айлуш, из яйча… 

ЙIовхалаха дизад цига лаьтта,
Еррига аре, гувнаш делаш да;
Шира зама таханенца хетта,
Кердачунца вахар чIоагIалуш да.

Паччахь Фарнаваз ва укхаз лоархIаш,
Хьалхарча паччахь-сувна ду дуIаш,
Къаьна оаламаш – тIехьенна хойташ -
Фийла, анналашка да хьуладеш.

Хов, сай даьша, гIулакхашца гойташ,
Никъ билалга картвелий дегашчу,
Цар вахаре цIий лараш шой юташ,
Вошала зIи тохаш гуржий керчу.

Дахаш да хIанз ноахаленаш маьрша,
Шой цIийца ийна вошал хестадеш,
Хоастам кхайкабеш дитачох даьша,
ТIехьаленашта цунах пайда беш.

Цудухь, воал со ГIалгIай улица тIа –
Сай хьамсарча Тбилисена юкъе –
Дзурдзук ва со! КIист ва – велаш юхь тIа,
ГIилгIо, двал а волаш – Даьхена мехке! 

Май, 2016 шу.
(авторо ше эрсий метта тIара даь таржам)