Къемате хьежа бlара мунда,
Бешара керда къайгакъахк.
Цун дегlагlад дlаэттад онда,
Цох-м хийла дийна адам къахк.
Къахьегам ца боабар духьа,
Поалхамаш ийде баьннаб.
Бисабац жуккаргаш жухьа,
Цар карме болх эшабеннаб.
Куро а сонто а йагlа беша,
Унзар ший хийла доаржадеш.
lовдала къайгаш цох теша,
Ираз йаl! Хьувкъа шун беш.
Гlалгlайче, 21. Мангала бетта 2019 шу
Бешара къайгакъахк
© Copyright: Микаил Сапралиев, 2019
Свидетельство о публикации №119082100105
Свидетельство о публикации №119082100105
Рецензии