Къанз мелаш мо, гоамденнад йоазув.
Ганз йохкаш мо, дехкад воай доазув.
Мотт бисабац, серда а сакъерда а.
Чотт йел ма йац, йоттанза ерда а.
Къий мелаш дагlа, яппарах кхийхка.
Маьшен а цхьа тlолх, селлара лийхка.
Фу аргда вай, берашка, гlалгlашка,
Истала тlа йисар — тишайенна пlашка.
Луттаргаца литтадац вайнаьха йоазув.
Йисташкахьа лордаьдац даьхена доазув.
Йилбаза ког каьхатаца ловза,
Йилбаза мух, хет тарло — хьовза.
Кусташха ле — магац, дог дагlац.
Курро хьатlаоал, меттах дог лазац.
Лараш тlара даьннад хьамсара адам,
Лер тlара баьккхар даькъаза лоадам.
Гlермане, 19. Муттхьала бутт 2019 шу
Гоамабеннаб мотт
© Copyright: Микаил Сапралиев, 2019
Свидетельство о публикации №119081804345
Свидетельство о публикации №119081804345
Рецензии