Бlарацlеста лепаш гу,
Бlарацlеста хьестаду
Михо, михо теркаду,
Бlарацlеста сона гу.
Сармака бlаргаш даьлар ара,
Гу сона алакушка коара.
Хоза лоаме, ведолге,
Маьржа дуне, цlе буне.
Бlарацlеста зиза гу
Бlарацlеста хотталу.
Дега, дега хьоасталу,
Бlарацlеста хоза гу.
Дарз а догlа а новкъа дац,
Сармака бlаргаш дицлургдац.
Малхбоале а малхбузе а
Терко, терко зизашта йе.
Бlарацlеста дега гу,
Бlарацlеста бочалу.
Сина, сина саготaлу,
Бlарацlеста гlанах гу.
Сармака бlаргаш балан у.
Ала зизаш листа хьу.
Детталу дог, детталу,
Цун а бlарацlесташ гу.
Гlермaне, 04. Муттхьолa бутт 2018
Сармака бlаргaш
© Copyright: Микаил Сапралиев, 2019
Свидетельство о публикации №119081303576
Свидетельство о публикации №119081303576
Рецензии