1окъинга безам бовш мустафа ганижев

1ОКЪИНГА БЕЗАМ БОВШ       Мустафа Ганижев
/потух хрустальная любовь/
               
Цу къаьга жовхара хул сабар,
Седкъи чудижа хина чархеш.
Цигар тайнача  юхьан босбар,
Безам бар вайна зизаш телаш.

Безаман г1айг1а дега чуюж,
Безам з1ы хул балабу мерзаш.
Д1адолх шераш, дог беттага хьеж,
Чархах сурт, даим в1ашихьарчаш.

Безама хул, сердалон 1и деш,
Пена т1а гу  сурташ хеталу.
Уш сигал босса кхерий хьагуш,
К1орда ца деш, безам белалу.

Гаьни г1а 1инах, даржаш жа хул,
Хьайза тай мо уйла новкъа йоаккх.
Г1аьнахьа сердал гойташ д1атул,
Безам юхбаргахь, сона мух хьокх.

Н1абара воалаш, г1а да сердал,
Сина к1ерам хул догураотта.
Д1аехара 1а б1арчча бочал,
Бехкбоаца са дега д1ахотта.

Т1амехкабе чам, хьо мархьалелх,
Те1адеш дег1 хоза кхетама.
Са къона шерашта лакхе лелх,
Хоза фо хин, хьаж яр сатема.

Безам хьест фордах, соц эг1азал,
Хьо фур1ал хул, б1арчча сатема.
Лаьтта 1аламо йоаеш моцал,
Садоалла х1амаш т1аховш кема.

Цига фордар хий 1а айдеш,
Хьо безам ба са юкъ хьаяьстар,
Дег1а низ тоъала чубайташ,
Безаман 1окъа къагаш дегар!

Безаман 1окъинг гуш, дог делаш,
1окъинг мо къегаш безам хилар.
Цхьанен футтарен арабоалаш,
Вай цадезараш ийрча тилар.

Б1еха ординг хинна хабар дувц,
Циска б1арга мо к1аьдаш дохкар.
Ванаг1 ж1алеш хилар царех 1ец,
Шоай волла г1ийла низ байнабар.

Балг1ий дег1а, хеташ  з1анарех,
Кхерий ирадеш безам низо,
Беркат чудоаладеш нах чубех,
Наха оалар – деце безам зе? 

Бийсанар аьттув цун хетабаь,
Чхьаг1рах н1аб ю 1аьржа ганарга.
Безама фур1ал гуш чам хьоабаь,
Дика дар, чам хила къамарга.

Безаман ц1и яккхар тайна хул,
Эккхаяь ена фур1ал хеташ.
Зизай ц1е зиз хилара, бар маьл,
Цун дазала кхалнах хул, къонлуш.

Ц1е зиз ца деза, цанна магац,
Нокхарий мозий моза т1адвуш.
Сигалар низ безама та1ац,
Лоамар чухьадаш чарх, къамаьл дуж.

Къайлах, къорга наькъаш ховзара,
Дика е во доаг1а метте цкъа.
Чухьнахьа сай безама тара,
Ду аз сай безама доккха къа.

Са безам хинна тайна къорга,
Дегар лазам айлуш догдаьха.
Цига хул, чкъара боаккхар морга,
Деце сога хьакхоачар лаьрх1а.

Саг вохавеш дола бийсанр г1а,
Ерриг кхалнаьха лела уйлаш.
Уш баьде, уш ц1имхар, уш сиха,
Сенна те1ад наха дег1амаш, – 

Х1аьта хьо йода, ц1елуш яьржа,
Ваннар г1оттавеш лаьтта к1ала.
Аьрзий дар къайгах кхайкаш ийша,
Шиъ никъ цхьанкхетача цу кхела.

Цу б1арга лирах гушдар  валар,
Аьрда оаг1уврахь бертий 1увг1аш.
Кашмашка ц1араш етташ хулар,
Байначар, борзамаш гургдолаш

Сомадоалаш хичара хьоасий,
Цар адар дар кхоссор мо д1а-х1а.
Чухьажа ший сурт, цар ца дусий,
Даг1ац царех ца1 бакъдар лаха.

Уш г1анаш долхар б1ехал суртах,
Вай са хьовз та1а сагатонца.
Б1еха деша корта бу пунтах,
Наьха дегамаш додаш къинца.

Къиноех тамг1 оттадаь хилар,
Дешаш къамаьл ц1енюкъ лораеш.
Харцахь гобохаш низ д1абаьлар,
Цигг наькъа г1одеш яц сердалаш.

Из ц1аьрмата жугте вар лийнар,
Ди дайна маьхкар вена кхела.
Нах байзаб шоайла кортмукъленар,
Духьал отта харцон сомала.

Унзарлен юхь хул меттаз г1аьнахь,
Из 1аьхар сагатон низ хинна.
Цхьа ц1аьрмата дакъ мо, цу дийнахь,
Са сина 1азап хул къайленна.

Хургдар хинна даьлча дий х1ама?
Дахар юха ца доаг1аш вус к1ал.
Тоъаргда садаха, леш 1ама,
Дог дилла, безам байна со хул.


                04. 06. 2019 ш.