Къачу жуваз зи рик/ин гьал
Тваз жедат/а ам рик/е
къалура вун тирди кьегьал
Жемир вегьез зал леке.
Къачу, жуван вегь къуьнерал
За ялзавай парарни.
За хьиз нани яхъ гъилерал
Ц/у хьиз кузвай ракьарни.
Къачу жуваз зи бахтарни
Эгер бахтлу жедат/а
Алатай, къвезмай вахтарни
А вахт рекьив къведат/а.
Емишдин тар гьазур я гуз
Ваз бегьерар гъайит/а.
Тухвана жуван чилел цуз
Еримишиз хьайит/а.
Лугьумир ви бахт зав гице
Вуч -вичелай къвезват/а.
За хьиз нани гьала дуьнья
Регьятдиз физ жезват/а!
Къалурмир заз пехилвал ви
Кьуш ават/а яла пар
Рекьиз килиг эхирдалди
Рик/икайни яхъ хабар.
Четин я твазни гъавурда
Ц/алц/ам чинар девирдин
Гьар са зат/ дадмиш тавурт/а
Дад гьик/ чир хьуй уьмуьрдин!
07.09. 2017.
Г. Мисриханова.
Тафаватвал
© Copyright: Гулья Мисриханова, 2019
Свидетельство о публикации №119073007351
Свидетельство о публикации №119073007351
Рецензии