Шиир

 Алакьнават/а менфятлу зат/ тваз хат/ара.
Шаирди ч/ехи авунвай рик/ин къатара.
 Хуш хьана халкьариз са хийир гуз алакьиз
Чешмедавай яд хьиз физват/а ам алахьиз.
 Адал щиир т/вар эцигун кар я лап хъсан.

Тунват/а ам кхьей касди  дуьм-дуьз къайдада
Михьна къахчунват/а  зат/ар авай кьарада.
Алат хьиз халкьди гъиле кьунват/а а гафар.
Къалин жез яд булахравай жезват/а вац/ар.
Шиир т/вар адал эцигун кар я лап хъсан.

Ялзавачт/а вуна мишер вун галай патахъ
Уртахди тирди чизват/а вилик квай чанах.
Керки герек туш  хци мишер хьайила  вахъ
Ви терездин дуьзвилихъ , халкь хьанват/а ч/алах.
Шиир т/вар адал эцигун кар я лап хъсан.

Къелемдин хцивал къалурнават/а вуна ,
Гафар гьа къванер твадайд хьиз тунват/а цла
Регьят ят/а зарб кваз к/елиз гъвеч/и- ч/ехидаз
Рик/е шадвал твадай ц/арар ят/а виридаз
Шиир т/вар адал эцигун кар я лап хъсан.

 Къайгъу авач гъалат/ар хьун тахьурай айгьам
 Ч/уру фикир кхьиз тахьуй рик/е тур на ам
Сифте гафар, гуьгъуьнални хуш къведай макьам
 Гуя атанва ви рик/яй хуш, чими салам
Шиир т/вар адал эцигун кар я лап хъсан.

17.03. 2019.
 Г. Мисриханова.