Зи к/ениди элкъведа зун вал лекь хьиз
Чими юкъуз ваз серин хьуй лагьана.
Ракъинин нурари кьурурай векь хьиз,
Гел квахьнай ви къати гару гатана.
Шагьвар хьана къекъвенай мад гуьгъуьна
Ви къузайрин жив хьаначир ц/уруриз.
Гьа ч/аван кьагьарар ама туьтуьна,
Заз к/енивал тахьайвиляй къалуриз.
Чеб-чпелай фенай накъвар вилерлай,
К/енивилин т/урфанри къвез гатайла.
Дерт туна зун гьиниз катдай чилерлай
Са чарадаз на -к/ениди лагьайла.
Фул ама зи чанда вуна кутур зак,
Дердеринни дава-дарман вахт хьанач.
Гьиссерини вун к/ан хьайи михьи пак
Рик/е хер авуна я заз бахт хьанач.
Къастари зи алуднач зун рекьелай
Вилик атай цуьквер вири ат/ана.
К/енивал гьич тефидайди рик/елай
Вахт фейила зи фикирри кьат/ана.
Ингье гила к/евириз рехи ч/арар
Цуьквер алай шал вегьезва кьилел за
Сагъ жедайвал зайиф хирерин гьалар
Вуна лагь кван - вуч вегьеда рик/ел за.
07.05. 2019.
Г. Мисриханова
К енивал
© Copyright: Гулья Мисриханова, 2019
Свидетельство о публикации №119073007068
Свидетельство о публикации №119073007068
Рецензии