Хайи чил хьайи заз , зи диде Ватан
Алакьна валай вун заз к/анриз икьван.
Ви накьвар кьунавай мукьнат/ис-гьулдан
Зун вичихъ ялиз хьун къуват я адан.
Мус хтайт/ани зун, ракь вегьез к/вачик
Лап багьа къизилар кват/а и чилик?
Аквазвай девлетар заз и патара
Хуьзват/а зи чили вичин къатара?
Акъатзавач зи кьил жагъизвач жаваб
Ялайла вуна , завай гуз жезавач ттаб
Белки гзаф ят/а зал алай ви буржар
Зи уьмуьр патал на авур кьван харжар.
Зи хайи Дагъустан зи диде- Ватан
Ви буржарай за вав гахкуда зи чан
Шагьид хьухь зи чил на акъуда къарар
Агалдай зун патал женнетдин варар!
15.05. 2019.
Гюльжагьан Мисриханова.
Хайи чил
© Copyright: Гулья Мисриханова, 2019
Свидетельство о публикации №119073006885
Свидетельство о публикации №119073006885
Рецензии