***
Нашым мамам
Твая яшчэ летам пайшла,
Мая да зімы дацягнула.
Твая не пакінула зла,
Мая гэтак сама заснула.
Сустрэліся недзе даўно.
Мая мне не снілася доўга.
Абедзве глядзелі ў акно,
А там – у нябёсах – дарога.
Твая мне была, як мая.
Маю з табой разам хавалі...
Усходзіць над намі зара,
Як памяці доўгія хвалі…
21 ліпеня 2019 г.
Твая яшчэ летам пайшла...
© Copyright: Юрий Боровицкий, 2019
Свидетельство о публикации №119072100375
Свидетельство о публикации №119072100375
Рецензии