Нагбом
Усё перавярнулася нагбом…
верныя канторы, як дурдом…
продак навачэсны і з хвастом…
ведзьма з языком, як з памялом…
грыфель і люцыфер – за сталом…
Данута Бічэль
\
Усё перавярнулася нагбом,
што нат адкрыць баюся дзверы:
за імі вэрхал і дурдом
і зыркі звер клыкаста-шэры;
язык суседкі з памялом,
дзе не спячэцца нават жаба;
з канторы дурань спіць з калом,
каб палічыць мне нанач скабы.
Хвастаты продак за сталом
мяне зноў вучыць этыкету:
“Калі кульнуць, то лепш нагбом
і з памялом кахаць кабету”.
Вядзьмак-гаёвы на шашы
стрыжэ купоны, бы з засады…
Звіхнуўся Свет, што не кажы,
бо п’юць нагбом гарэлку, гады.
© Copyright: Мечислав Курилович, 2019
Свидетельство о публикации №119071609039
Свидетельство о публикации №119071609039
Рецензии