***
Скінь з сябе свае турботы,
Нот высокіх не бяры,
Тармазі на паваротах,
Углядайся ў ліхтары.
Маладзік зайшоў за хмары,
Моцны сёння ён – у Льве.
Сцеражыся Божай кары,
Слухай вецер у траве.
Прытуліся зноў да вішні,
Як да яблыні – Адам.
Выбар даў нам Усявышні,
Дык будуй Ягоны храм.
Дождж накрапвае. І вечар
Набліжаецца да хат.
А з травы падняўся вецер.
Будзь жыццю і ветру – рад!
05. 07. 2019 г.
Скiнь з сябе свае турботы...
© Copyright: Юрий Боровицкий, 2019
Свидетельство о публикации №119070505882
Свидетельство о публикации №119070505882
Рецензии