It s a Heartache ингушский вариант

ИЗ СИН ЛАЗАМ БОЛАШ /Ганижев Мустафай иллен кеп/
/Эта душевная боль/
(It's a Heartache) /ингушский вариант//

Из син лазам болаш,
Каша 1азап дожаш.
Кхачац г1айг1а мара,
Тохар деш вожара.

Из бален лазар лел,
Цох сина лазар оал.
Латташ хьо дог1ан к1ал,
Хеталуш ший п1илхьал.

Из син лазам болаш,
Са дега лазар деш.
Ез из кулгаш каглуш,
Со цо цаьккха вуташ.

Во дар, безам боабаьр,
Сога из ца хьажар.
Дезац цхьанен хьовкха,
Со к1ал волаш векъа.

Из сина лазам бена,
Кашар 1азап б1аргдейна.
Каша да вайга хьежаш,
Хила г1о цига доацаш.

Из сина лазам бена,
Тохалур т1ехьа дена.
Цхьаккха дац лазар мара,
Тохаш хье цкъа вожара.

Из эг1даь лазар лелаш,
Шийла дог1ан к1ал латташ.
Сина лазам т1абена,
Кашар 1азап б1аргдайна.

Эй, халац г1одар каша,
1айх даь дикаш, 1одеша.
Жожг1атен юхьиг ейза,
Волалу хьо ког лайза.

Харцо я безам бекъа,
Дезац водар д1ахьовка.
Цуна вай ларх1ар дайча,
Цог1а со тийша хилча.

Фу де деза са? Фу де?
Ваьха, со вувш, каша 1е.
Эй-яхь! Къахетам беха,
Хоастам беш 1а Аллах1а!

           03.07. 2019 г. Мустафа Ганижев