Г1А ГУШ ВАХАР Мустафа Ганижев
Укхаз аьттув хул, меттиг тоянна,
Нах а ба, шоай гучох д1атайна.
Села сатувра, цу унхочунна,
В1алла х1ама ца лазаш хина
Могача дег1а хул ер дуне,
Шийгахь кур бола цун сина-ала*.
Эхь деце х1ама ца ду – бене,
Ше ваг1ача хьал ца хьовш ала
Укхаз тешам байна 1ец диках-вох,
Къахетамга дог дохилга йоацаш.
Хинна дагадар д1адоаде хул мухь,
Эшац хила из меттаоттадеш..
Мела аьттув ба ха йицялара,
Уйла йоацача атта наькъа т1а.
Йиш я хьа курра дар д1адувцара,
Юххе г1олла т1ехьвала таронца.
Укхаз дуне даьха саго лерх1ац,
Тхьайса хьаькъал мелашха д1адужаш.
Цудохьа саг тулалуш ма хилац,
Х1ама бедоацар бадонца хулаш.
Дицдала ца могачо, из хиннар,
Ала хул: хьаьрдаьнна да хьо эг1ор!
Х1аьта из а хилац сатем боабер,
Из адамий дошо г1а да доадар.
Сина-ала*- сина ц1а (дух человека)
03. 07. 2016 г.
Г1а гуш вахар мустафа ганижев
© Copyright: Мустафа Ганижев, 2019
Свидетельство о публикации №119062901940
Свидетельство о публикации №119062901940
Рецензии