Наьнага каьхат с. есенин

       НАЬНАГА КАЬХАТ     С. Есенин
          /письмо к матери/

Хьо кхы а дийна я, са йокка саг?
Со-м дийна ва. Моаршал хилда, моршал!
К1ежах сердал йоаг1ийла хьа яхара
Из сайрен ейзайоаца сердал.

Яьзду сога, 1а оазаш бала,
Ч1оаг1а саготде йолалуш сох,
Сен ух хьо, каста наькъа т1а села
Къаьна, тиша дувхарца мукъахь.

Хьона-м сийна сайрен боадох
Каст-каста гушдар ца1-хаз:
Мелача метте сох латарах
1отташ дега к1ал фински урс.

Х1ама дац, са ц1ех-яр! Те, сатоха,
Из-м духхьал балах к1аьдялар да.
Сел къаракъо воавац, со телха,
Хьо ца гуш, ванна д1авала лац.

Со хьалха мо к1аьда ва дулхах,
Кхы догдох аз, духъхьал цхьанег1а,
Г1атта чехка сахьувза даьхех
Юхйоаг1аргья вай лоха ц1аг1а.

Со ц1авоаг1аргва ткъоврош латача
Б1аьстен вай сомибеша 1е,
Духхьал 1еш со, са хула ханча
Барх1 шу хьалха мо, хьал ма г1оттаве.

Ма даха сома, белгал ца даьннар,
Хьал ма хьеде кхоачаш ца хиннар –
Села хьалха д1адайнар, к1аьдданар
Сона ла хул, дунен дийза тинар.

Аьттув бовш ламазде ма 1омве. Дезац!
Дахачунга юх-аха везац в1ал.
Хьо ца1 да сона г1о, са дега-г1оз,
Хьо ца1 я, д1ацагойта сердал.

Йицле хьо, хьай сатем бовра,
Сагот ма де села ч1оаг1а сох.
Ма аха села каста наькъа т1а
Къаьна, тиша дувхарца мукъахь.
               /Таржамбаьр Мустафа Ганижев