***
Белыя півоні адцвітаюць –
Тыя, што схаваліся ў цянёк.
Белыя пялёсткі асыпаюць
На прыветны чэрвеньскі дзянёк.
Дні-пялёсткі густа асыпаюць.
Разумею ісціны намёк:
Дні вясны ў былое адлятаюць,
І жыцця сплывае ручаёк.
Белая півоня адцвітае…
Чысціню – у сэрцы – зберажы,
І яе заўсёды прывітае
Той, хто сам – пазбаўлены ілжы.
21 чэрвеня 2019 г., пятніца
Белыя пiвонi адцвiтаюць...
© Copyright: Юрий Боровицкий, 2019
Свидетельство о публикации №119062103885
Свидетельство о публикации №119062103885
Рецензии