Шчырая споведзь
У кожнага з нас ёсць радзіма малая.
Шмат шчырых пачуццяў заўжды выклікае
Чародка тых звыклых і просценькіх слоў.
Ды ў іх ёсць пяшчота, адказнасць, любоў.
Найлепшая ў свеце малая радзіма:
Жыве тут вялікая наша радзіна,
Тут вечны прытулак бацькоў і дзядоў
Пад кронамі мудрых магутных дубоў.
І лашчыцца слых, і хвалюецца сэрца
Ад назваў урочышчаў, ягадных месцаў:
Уздзенне, Малочча, Лятцэ, Забалоцці
Гасцінна чакаюць з дарамі ў госці.
Тут ціха. Тут вольна і шчасна жывецца,
Таму так прыгожа і годна завецца-
Як шчырая споведзь, як песня і дзіва:
Малая радзіма. Малая радзіма!
24-08-2018 год
Искренняя исповедь
© Copyright: Нина Ковальчук, 2019
Свидетельство о публикации №119061905237
Свидетельство о публикации №119061905237
Рецензии