Чыгунок для кветак
Кладу зямелькі ў чыгунок,
Вадзіцы лью на донца,
Каб кветкі парастак-лісток
Хутчэй мацнеў пад сонцам.
Унучка здзіўлена глядзіць,
Не разумее, бачна:
Такі ж у печы вунь стаіць,
З яго так пахне смачна.
-Рабіць што з гэтым чыгунком
Нат ведаюць і дзеткі:
У ім вараць кашу з малаком-
А ты, вось, садзіш кветкі.
-Ах, гаспадынька ты мая,-
Тулю да сэрца Дашу,-
Ды толькі праўда ёсць твая,
Бо ў новых вараць кашу.
2017 г.
здымак мой
Чугунок для цветов
© Copyright: Нина Ковальчук, 2019
Свидетельство о публикации №119061905040
Свидетельство о публикации №119061905040
Рецензии