Томба ла нежа мустафа ганижев

     ТОМБА ЛА НЕЖА         

Томба ла нежа, – хьахозар!
Г1етташ легар, к1ай лай чолпаш.
Дегахь, илли оаз хозаш яр,
Къаьна гаьнашта, уш легаш.

Лоа дар легаш, цхьа к1ай-даьнна,
Сона гуш цун боча ахар.
Ерриг гонахье къайл яьнна,
К1ай ювраг1а цо т1абалар.

Деррига лаьтта сийрда дар,
Ц1ена фуно мераж ц1ееш.
Ц1аьхха, из деррига хиннар,
Хинна даьлар дог  тешадеш.

Гушъяр гонахь цхьа к1ай лоаме,
Лоа дилар сома, беркат дар.
Хиннар дицлуш сурта  тоаме,
К1ай г1умар аре, цигар лар.
.
Кагъянна уйла хотталуш,
К1ай лоа т1а езар д1агойта.
Хотянна моттиг д1атайташ,
Дега тоабе, оаз хазийта.

Илли дек: «Томба ла нежа»,
Дерриг  хьалха дайнар доацаш.
Цхьа керда уйла цох ежа,
Дукха, догтохдалар хулаш.

Дегар г1озале яр, из к1ай,
Гиелла д1айохьлигйоацаш.
Х1аьта лургяр аз сайна лой,
Шортта лоа хозален делхаш.
 
Из лоа делхаш, бар са бала,
К1ай дуне дерзаш хилара.
Б1аргар хий доадаш со хила,
Са езарг сох д1аялара.

К1ай лоа юххера 1аьрждалар,
Юх лазаро, меже ехкаш.
Илли лекхар, ма хазацар,
«Томба ла нежа»,- сох делхаш.
           Мустафа Ганижев     13. 01. 2017 ш.