Обелиск

 Дагъвийрин хесетри эхир
Элкъуьрна куь  къванциз са
 Талукьарна  чипиз хас тир
Обелискдин т/варц/из са

 Гьат хъувун тавур руькъверни
Кармаш хьайи кьарада
Хьурай лугьуз гьа  руьгьерни
 Хуьруьнвийрин  арада.

 Хкажнава алаз абур
элкъуьрнавай къванциз чеб
Душмандиз муьт/уьгъ тахьайбур
Маса тагай хайи кьеб

 Я чими къул я к/вал чипиз
Хзан , велед тахьайбур
Элкъвенва къе зурба къванциз
Гьич сусарни тагъайбур.

Ислягьвал чаз хьурай лугьуз
Чи ватандин чилерал
Гьайиф татай  гьич чанни гуз
куьн амукьда рик/ера



Акъайзавай къе и гуьмбет
Фадлай фикирдавай кар
Халкьдин патай я квез гьуьрмет
Квелайни чаз ядигар.

К/ват/ хьанват/ани къе квез марварар гуз
Рик/ т/ар жезва чандик акатзава зуз
Гьеле уьмуьр вилик кумай жегьилар
Авур чи вахар, дидеяр сефилар

Къайи къванцел эцигиз гъил
К/вачерихъ вегьез цуьквер
Икрам ийиз агъузда кьил
Квез умудар квахьай руьгьер

Мад садрани тахьурай чаз дявейрин вахтар
Нагъв татурай чи дидейрин вилериз
Ивияр ваъ , михьи булахдин ятар
Экъичрай чи бегьер гузвай чилериз!

 Ислягь хьурай дуьнья вири
Квахь вун дяве фикиррай!
Анжах къвезвай несилри чи
А кар к/елрай шиирай!