Зи к/ениди зун вал лекь хьиз элкъвенай
Чими юкъуз ваз серин хьуй лагьана.
Ракъинин нурари кьурурай векь хьиз
Гел туначир ви, къати гар атана.
Гар хьана зу къекъвенай ви гуьгъуьна
Ви къузайрик жив хьаначир ц/уруриз.
Гьа ч/аван кьагьарар ама туьтуьна
Заз, к/енивал тахьайвиляй къалуриз.
Чеб-чпелай фенай накъвар вилерлай
Муьгьуьббатди т/урфан туна гатайла
дарт туна зун гьиниз катдай чилерлай
Са чарадаз , на к/енида лагьайла.
Фул ама зи чанда вуна кутур зак
Гьа хирериз дава-дарман вахт хьанач
Вун к/ан хьайи гьисерини михьи пак
Рик/е чка кьуна я ам бахт хьанач
Къастари зун алудначир рекьелай
Вилик атай цуьквер вири ат/ана
К/енивал гьич тефидайди рик/елай
Вахт фейила зи фикирри кьат/ана.
Ингье гила к/евириз рехи ч/арар
Цуьквер алай шал вегьенва кьилел за
Сагъ жедайвал зайиф хиририн гьалар
Вуна лагь кван, вуч вегьеда рик/ел за?
К енивал
© Copyright: Гулья Мисриханова, 2019
Свидетельство о публикации №119060806222
Свидетельство о публикации №119060806222
Рецензии