Кlан тахьурай садазни чун кьейила,
Гьакъикъатда, кlан хьурай чан аламаз!
Мичlи суруз гьамишалугъ фейила,
Дуьньядихъ ва уьмуьрдихъ вил галамаз!
Чан аламаз кlан хьанайтlа чир жедай,
Чидач, гьикьван мад аквадатl вилериз!
Тlарвал эхиз,фейи уьмуьр сир жедай,
Жеда мад вун фейиди хьиз женгериз!
Уьмуьр физва яваш-яваш кам къачуз,
Агакьнава,рехъ атlана,къекъуьндал!
Инсафсузни алахъда ви хам атlуз,
Гьалт тавурай яшинда вун туькьуьлдал!
Фида уьмуьр,аваз вичин гуьнгуьна,
Физвайди хьиз,фургъун,залан пар аваз!
Я кас амач кузвай а ви дердина,
Атlуда рехъ, гъиле жуван кар аваз!
Уьмуьр физва...
© Copyright: Марьям Алискерова, 2019
Свидетельство о публикации №119060805619
Свидетельство о публикации №119060805619
Рецензии