Тадач за вун...
Вун физвай рекьера гатун руг хьана
Вилив хуьз жеда зун: яраб къведатIа?
Марвардин са пеш хьиз пелел алкIана
Килигда вилериз …ваз чир жедатIа?
Лув гуда за садра,чубарукди хьиз
Гатада ви дакIар,кайитIани хур,
Белкини алакьда рикIерал хкиз,
Гатфарин верцIивал чаз санал акур?
Белкини жеда зун марфадин стIал,
Явашдиз авахьда чIарарилай ви…
Яман кичIезва заз къарагъариз тIал,-
ВучдатIа вуна мад ргайтIа иви?
Амма тадач за вун дердери кьуна,
Гумадиз элкъвез зун вилера гьахьда,
Акъудна хажалат,накъвар авуна,
Карагай хиял хьиз алатна квахьда…
Б.А. 23.05.2019
© Copyright: Билал Адилов, 2019
Свидетельство о публикации №119060304455
Свидетельство о публикации №119060304455
Рецензии