***
Хвалююцца травы пад ветрам.
Асіна трапеча лісцём.
Спяваю душы сваёй нетрам,
Сяджу за пісьмовым сталом.
Як хочацца мне незнаёмцам
Здзівіцца паэзіі зноў,
Напоўненай небам і сонцам,
Паэзіі радасных сноў.
Як хочацца зноў мне не ведаць
Узнёслых складальнікаў слоў,
Прачнуцца – у вёсачцы недзе –
І выгнаць у поле кароў.
З памылкамі скласці свой вершык,
Глядзець, як трапеча лісцём
Асіна, як вершык мой першы
Жыве бестурботным жыццём.
3 чэрвеня 2019 г., Радашковічы
Хвалююцца травы пад ветрам...
© Copyright: Юрий Боровицкий, 2019
Свидетельство о публикации №119060303478
Свидетельство о публикации №119060303478
Рецензии