***

КЬУД  Ц1АР  ГУДА   Ц1АРЦ1АР

циклдай


Кьенч1ин  къапар кеврек жедай туш.
Буьлуьлдин къапарин акунар я хуш.
Садбура жеда гьар йикъан къафун.
Муькуьбур  кьац1ал - къен ич1и яз, буш.

*   *   *   *
Дагъларин кьаскьанар,ч1ав къвез, «кьац1уда»,
Гьар гъилера кьац1уз, чар  жез,  яц1уда.
Иервални хуьзва феслийри ганвай.               
Кьац1унин  рангни,  лаз хьиз,  лацуда.

*   *   *   *
Ч1алахъ хьана, гиман фин туш са гьайбат.
Гьар са карда хьана к1анда мукъаят.               
Кч1еда заз алцур хьайи табдикай.
За гьик1 лугьун, такур гьалдиз, гьакъикъат!

*   *   *   *               
Кеспи  гвайди, кеспидикай галатдач.
Кьат1ун квай кас, дуьз  рекьелай алатдач.               
Камаллудаз к1андач вичин тарифун.
Кьадар гвай къаб, ц1ун табдани алахьдач!             

*   *   *   *.
Шукур гъизвай кас яшайишдилай рази я.
Жафа ч1угвазва, к1вачерик кутаз азият.
Къулайвални, квай агьвални гьисабзава бахт.
Чизва, уьмуьр  садра я,  акъакьарзава вахт.

*   *   *   *
Гайи  насигьатар: фикир, ният кьат1ут1!
Нин кьилел бармак ала, нел - самун сафут1!
Уьмуьр  кьве жуьре я: мишекьат, къулай.
Иридра  алцума, са гъилера  ат1ут1!

2015. 09.