Гьикьван вуна зи рик1 хада,
Деринра лап гьахьна чандиз.
Гагь вуна зун пеш хьиз кьада,
Такур хьиз ви а вилериз.
Гагь хъел ийиз, гагь къугъвада,
Гар хьана зал, элкъвез михьиз.
Зи гафар ва фад акьада,
Кьаз жезвачни рик1 к1ус к1евиз?
Къекъведайла вун дафтарда,
Кар чкадал атай ч1авуз.
На фикирнач -вучиз т1арда,-
Лув гуз тагай завай цавуз.
Дердер туна на зи чанда,
Мехмердин векь акваз лацуз.
Шел- хвал ийиз, рик1и ванда.
Хунчадал лап нехиш ат1уз.
Гьикьван тек вахъ зи вил жеда,
Чара амач руьгьдиз, мелиз.
Вун галачиз зи рик1 шеда,
Акъвазмир мад завай хъелиз…
Гьикьван вуна зи рик1 хада
© Copyright: Назиль Махмуд 76, 2019
Свидетельство о публикации №119050605973
Свидетельство о публикации №119050605973
Рецензии