Са сийдола нана,
Са ялсмале,
Хьо я са Макке
Са Маддане!
Дунен т1ара ираз
Хьа дега чу да!
Вахара хьисап-
Хьа б1аргашка!
Байтал Мукъаддас –
Имана ц1а,
Хьол сийрдаг1а да-кха
Са наьна ц1а!
Дуненга хьежар
Лир доагаш беций?
Цул хозаг1а я-кха
Са наьна юхь!
Сигала лепа
Бос боага седкъий,
Шол сийрдаг1а да-кха
Са наьна сурт!
Яхийла маьрша,
Со яь са Нана!
Лелийла г1оза
Йиллача хана!
Са нана
© Copyright: Лиза Ужахова, 2019
Свидетельство о публикации №119042905335
Свидетельство о публикации №119042905335
Рецензии