***
Памяці цётак Марыі Фёдараўны і Васілісы Захараўны
Мая радзіма – дваццаць сотак,
А соткі тыя я люблю,
Як памяць пра нябожчыц цётак,
Як зарунелую раллю.
О, як спявалі Вася з Машай,
На лаўцы седзячы вясной,
У Будзішчы, у вёсцы нашай,
Старонцы гомельскай лясной.
Пупышак клейкіх лёгкі водар,
І кошка Выдра каля ног…
Ці працавіты хто, ці лодар,
Але мінуць ён іх не мог!
Спявалі цёткі пра каліну,
Пра зарунелую раллю…
З-за песень тых люблю Айчыну,
І цётак, і сваю зямлю.
27 красавіка 2019 г.
Мая радзiма дваццаць сотак...
© Copyright: Юрий Боровицкий, 2019
Свидетельство о публикации №119042705575
Свидетельство о публикации №119042705575
Рецензии