Йифен перде йикъан чиниз яваш аватна-
Т1ебиат суст жезва, яргъи югъди галатна.
Анжах цавун аршда ава нур гуз ац1ай варз,
Миллиз-миллиз мани лугьуз гъетеризни заз…
Ви манидин гафарик ква зи гьиссерин дад,
Лагь, акъвазмир вун, ац1ай варз, лагь манияр мад.
Ви гъетерин нур гузвай экв туьхуьн тавурай,
Заз ярди вахъ галаз рахун къехуьн тавурай.
Вун цаварал, зун и чилел - кьведни гьахълу я,
Анжах ватандин къужахда, эхь, зун бахтлу я.
Лезги диде-бубадин руш, дагъдин тават я,
Хайи ч1алан верц1ивал заз - лувар, къуват я.
Вазни, ац1ай варз, гьа заз хьиз, азадвал к1ан я-
Цавун аршда, гъетер юкьва, ваз гуьлуьшан я.
Заз лагьайт1а, йиф атайла, дарих я, дарих:
Зун ватандихъ, зи к1анидахъ къарих я, къарих…..
Зунни варз
© Copyright: Гасанова Гюзеля, 2019
Свидетельство о публикации №119042500077
Свидетельство о публикации №119042500077
Рецензии