...Г1АЛГ1АЙ ЙОАЦА БОКЪО
Г1алг1ай къамо ех ший бокъо,
1аьдала из хьеяр дезац.
Наха дезачох, йиц терко,
Из г1алг1ашта хьал ла магац.
Набахт бехк, харцо ювц наха,
Зулам да, чукхохьаш маьхка.
Г1алг1ай битац, шоашта баха,
Эскар т1аозаш хул чехка.
Наькъаш къайла, тохаш баргал,
Г1алг1ай боаг1абу бе бехка,
Чухьежаш, салташ нах д1акхувл,
Операци еш харц даькъа.
Ткъаь вурийтт шу дагдохийташ,
Сталин кхийда кулг хестаду –
Из б1еха низ болга гойташ,
Бахьан доацаш г1алг1ай теъбу.
Маьрша нах дахар къаман дац,
Г1алг1ай Резерваци хьаеш.
«Сабар! Фуд ер?» - Алар хул харц,
Цох фашизм я, ала доаг1аш.
Молув вийнар, г1алг1аш тахан?
Ленин-Путин лергаш даьхар?
Молув хаттал?! Мичад бахьан?
Г1алг1ай хьахин мохк бохабер?
Ер бала бена моастаг1ий,
Дала бохаболба чахка!
Уж беце, уж эрссий, х1ирий,
Даим эг1азло хьалихка.
Мустафа Ганижев 21. 04. 2019 ш.
Г1алг1ай йоаца бокъо мустафа ганижев
© Copyright: Мустафа Ганижев, 2019
Свидетельство о публикации №119042304249
Свидетельство о публикации №119042304249
Рецензии