Заз акунай, акъатайла яргъариз,
Цlвелин тара, яргъи чlарар эвисна
Къубуд патав кинарзавай гъуцариз,
Гъамлу хьана, кьилни агъуз квисна.
Дуст я лугьуз кьин кьадайди къариб туш,
Фад рик1елай алатунни мумкин я.
Тахсир авач, хатани туш, айиб туш–
Амалдаррин хура къвазун четин я.
Дуьз лагьайт1а, ажугъдикай азадди
Негьякьбуру фад рекьелай алудда.
Тухвай ч1авуз виликдини мурадди,
Дустаризни михьи рикlив умудда.
Рикlеллама, ацукьна нез-хъуьрезвай
Хванахваяр садни амач, цlигел яз.
Дуст лагьайди мез тир, сиве къекъвезвай:
Ялтахдин мез иландин хьиз кьвечхел я.
Кьинер тавур инсан жеда патарив,
Ви гьал четин хьайила, намус лугьуз.
Гила килиг ялтахдин вун таяриз;
Девлетлудан патав гва ам , дуст лугьуз.
Зайиф лугьуз хатур хамир халисдан,
Нур гайидаз лугьумир - ам мержан я.
Дустни-душман чир жедач ваз межлисдал,
Намуслудаз дуствал авун хъсан я.
Намуслудаз дуствал ая
© Copyright: Магомед Мирзоев Мирзой, 2019
Свидетельство о публикации №119041709731
Свидетельство о публикации №119041709731
Рецензии