Къаман къонгаш мустафа ганижев

…….КЪАМАН КЪОНГАШ     Мустафа Ганижев

Говар к1антий, г1алг1ай къонахи,
Ма йоайла дуненахь шуна сийле!!
Къаман оацаг1байна ба белхи,
Г1алг1ай к1антий йолаш шоай Даьхе.

Ахьмад Б1архой е Ахьмад Пхьогой,
Къаман байракха хулар сийдеш.            
Мохк ца бохабайттар цар ма дой, 
Даьла къахетам наха боаг1аш.

Х1ирий, нохчий хул, вай ца дезаш,
Вай долчо ка тоха кийча.
Г1алг1ай халонех уж бар белаш,
К1албисача, боабеш, мегача.

Къаман во1 ва Мохьмад Муцольгов,
Ийшачо г1онча волаш даим.
Цуна турпал дог даьхача лов,
Дийнар, лаьцар деце - г1алг1ай къам?

Г1алг1ай мохк бекъаш, хул теннарий,
Киса ахча деча цан мегаш.
Къаман рузкъ дуаш я бат хьакхий,
Берендей веце, г1алг1ай бохкаш?

Даймохк бохк, ший моалой юхьаца,
Цун фу эхьхета деза нахах.
Дита г1алг1ай лаьтт Фартангаца,
Дала мегитаргдац цан даькъах.

Къаман къонгаш - шун во ма голда,
Вахувла Ахьмад, Мохьмад, Малсаг,
Баракх, Бахьауддин маьрш хилба,
Мувсайн, 1ийсайн – сийле ду1ах ек.
              16. 04. 2019 ш.