Къоналга хьежаш мустафа ганижев

…...КЪОНАЛГА ХЬЕЖАШ       

Ха йоаг1а со эг1азваха,
Т1аккха дуне гуш,1а та1аш.
Газет, дешаш аз  дукхаг1а,
Чоап яр д1адаьккхе са к1айдеш.
.
Даь дато т1ехкар чопилг гуш,
Уйла сирдайоалар мелаш.
Йи1и к1озалг ловзадеш теш,
Варзанвоалаш са сурт делаш.

Дувхар хул са  г1алг1ай пхьолен,
Коч 1от1хийца, техкар хьорчдеш.
Ха яха вар со сай къайлен,
Сино хьалкхоабаш, дог ловзаш.

Дегахь, мукъален ког боахаш,
Къонах даим довтте отташ.
Цхьа дэлянт духьал нийсалуш,
Кора к1ала  тепчаш етташ.

Мута1алим халха ваьлча,
Суффи гаьнаш лестае ловш.
Вицлуш 1уйрен делкъиг ваьлча,
Йо1 хургъяр са къонал мегаш.

Дагадоаг1 й1ица со волаш,
Цо хьастар шийла хий дахьар.
Ше ца1 хул, духьал нийсалуш,
Йо1 лораер, хилац маьхар.

Энжи оамал цо яр гойташ,
Деша из увзалуш яц в1алл.
Мара цо нувр туле, могаш,
Мискинго кхохьаш б1арчча б1илл.

Бартбета, веха фордхос мо,
К1ай къаракъ менна яр, из бов.
Цига цхьан мала мукъ вар со,
Сай баьнна аьттувна д1атов.

Арг1аш еш, бегаш беш оаха,
Молаш дар масхам ма могга.
Г1аьнахь дар, сох бехк ма лаха,
Х1анз сона сайх 1ехь хетт къаьгга.

Ена кхоачаш дегахь уйлаш,
Дегара хьонал яйзе цкъа.
Аз сай кхасагах фур1ал еш,
1уйрен ламазо ц1анвеш дукх.

Вай воашта дар, эпсараш мо,
Хьовзабаь т1аьда саьрга тар.
Вай хьестар циск к1оригаш мо,
Цо Даьлагар низо, ший кар.

Б1айха безама со т1алесташ,
Лаьцар йо1о, со хьаста юсте.
Энжи мух ца гуш, из езалуш,
Дир сона цо цига керасте.

Сигалар бежар шалтан мукх,
«Бебола хьайна» - сога оал.
Сона дера аьлан, из б1хьук,
Со къонах хилар дацар гоал.

Суламбик эбарг волаш сан,
Со лаьца хьалола лахар.
Бурув г1ала яр цига тен,
Ше суд елга цо кхайкадир,

Цига йо1о тепча етташ,
Со мукъваьккха, набахте ювш.
Оаха тхоай безама хьесташ,
Хьалйир г1ала, безам молаш.

Лоралуш бисан чикист вар,
Герз кичадаь к1ийлена ховш.
Тха соцацалу оамал яр,
Хозалуш тхойла седкъа тар.

Иштта тхо цхьана д1атайра,
К1ормац мо лел байха безам.
Харц хилар гаьна далара,
Ираз Дала данна хул лерх1ам.
               Мустафа Ганижев  07.02. 2018 ш.