Ше везар деза мустафа ганижев

.......ШЕ ВЕЗАР ДЕЗА      

Мела дукха синош даьги д1адоал чухьар,
Г1еллу узамца лелхаш: «Дукхадеза со!!»
Шийна хьалха оал, са доттаг1, хил хье везар,
К1алхьар ца воалаш, кхийра, цу аргдолчох хьо.

Из, мела 1айда, айпваьккха кхело хиннар,
Зехьа гонахь г1о лех цо, дуне да аьнна.
Из ше лерх1ар дайна мел волача ханар,
Белам, хьил да дерриг, наьха ловзар денна.

Цхьанена могаргдац из юхадаккха хьал,
Догц1ена дешаш легаргда цацах хий мо.
Иштта ч1оаг1онца я цунцар ший кийча кхел,
« Вац вох з1а1апхол саг - цхьаккха воацар, ва со».

Мела дукх синош даьги дов, ц1ераш тихка,
Цар кхетама т1атихка цамогача ден.
Мишта кулгаца соцаю харцо, кхайка,
Из каша къовлаш хилча, ни1 къовлаш дег1ан.

Иштта д1авицале, дунен т1а вахар довш,
Йоаг1а ха, цох кхеташ вахалах, саг хиле.
Т1аккха хьо кхеравезац хьона, хьайна ловш,
Ер дуне гуш, лакха зурам йолга, яле!   

           08. 07. 2018 г  Мустафа Ганижев