Гуьзел марал, ви буй-бухах себеб яз,
Атканава зун къужахда йиферин.
Хуш хесетар, хуш гьерекат эдеб яз,
Гагь кьилелай физва десте циферин.
Яб це- ибур бендедин я агьузар ,
Агъур хьайла гьисерни са хара я.
Рикlикай зи ийимир руш кlавузар,
Гьисерин цlaй гьулдандизни пара я.
Муьгьуьбатдин хура гьатна, гьуьжетиз,
Кьисметди нур элкъвезва ви вилерал.
Ша ацукьин: ширин-ширин суьгьбетиз
Къацу багъда, гъил элкъуьриз киферал.
Вун багьади гьисаб тlакьаз, дамахмир:
Гьар гьейбатдиз вичин ери, зар ава.
Фитнечидин зегьердикай даяхмир:
Кьисметдихъни вичин вахт, кьадар ава.
Гьар гьейбатдиз вичин ери, зар ава
© Copyright: Магомед Мирзоев Мирзой, 2019
Свидетельство о публикации №119040504103
Свидетельство о публикации №119040504103
Рецензии