Гатфар бере жеда вун шад,
Акъвазда п1уз хъуьрез,лежбер.
Трактордал ая майишат,
Кьамир куьгьне туьрез,лежбер.
Къацу ч1урал ксуз вердиш
Твамир рик1е куьгьне тешвиш,
Гьич са зат1 туш алиш-вериш-
А гирванка,терез,лежбер.
Стхаяр я вунни фяле,
Яхъ са-садан гъилер гъиле,
Кьур акъатай бязи чиле
Цан цамир на даяз,лежбер.
За лагьайвал хьун тавурт1а,
Вядеда яд гун тавурт1а,
Тумар пара цун тавурт1а,
Кар аватда к1евез,лежбер.
Гьар са техил гатуз к1ват1а,
Гьазурна тур,тура к1ат1а
За лагьайвал ик1 тахьайт1а,
Акьахда фу тараз,лежбер.
Гьар гьи касди ч1угваз жафа,
Гьа-гьадаз дад гуда фуа,
Жуваз лазим тир везифа,
Чира жува-жуваз,лежбер.
Зулун хипив хьана икьрар,
Вахтунда це ник1из гъарар,
Лежбервилин пара крар
Чида Сулейманаз,лежбер.
Лежбер
© Copyright: Сулейман Стальский, 2019
Свидетельство о публикации №119033007424
Свидетельство о публикации №119033007424
Рецензии