Зи фикирар,хиялар зи михьи я,
Рикlе авай къастар вири чlехи я.
Хайи чилел кьакьан дагълар рехи я,
Ачух яз чин,гегьенш я ви чил, Ватан!
Валай гуьрчег авач чка санани,
Вун заз диде, зун ваз руш я генани.
Хайи хуьр я, вун гадарна фенани?
Ачух яз чин, гегьенш я ви чил, Ватан!
Дустар атай чlавуз ахъа я ви рак,
Душманрикай гьар са хци хуьда пак.
Никlера ви къуьлуьн кьилер,дадни фак,
Ачух яз чин, гегьенш я ви чил, Ватан!
Дагъдин хурай авахьзавай,къвез цикай,
Шуршурдин ван, мани жезва ванцикай.
Хуьрер кутаз гьазур я халкь къванцикай,
Ачух яз чин, гегьенш я ви чил, Ватан!
Ватан
© Copyright: Марьям Алискерова, 2019
Свидетельство о публикации №119033006952
Свидетельство о публикации №119033006952
Рецензии