***

КЬУД  Ц1АР  ГУДА  Ц1АРЦ1АР
(циклдай)

Къелем кутуна, бегьердин,  гъенел за.
Кьуд сан таран, къушра мугна, хилел са.
Сифте бегьер- дигмиш хьанва, ат1уда.               
К1уф ягънавай  шефтел ала, чилел, са.
 
 *  *  *  *
Лугьуда:  уьмуьр ви алхишрик фирай…
Ч1ал к1анидаз: «вун гьуьлдан хьиз ифирай…»
Гьуьрмет хуьда, насигьатар гайидан.
Заз авайди гьа са ч1ал я, заз чирай!
 
*  *  *  *
Баладин бала – хтул, вирт хьиз, ширин я!
Хтулдин бала – птул, гузвай серин я!
Виш сан уьмуьр тухузвачт1а,ч1алахъ хьухь,
Птулдин бала – штул, акун четин я!

 *  *  *  *
Гана к1анда  къимет  ч1угур зегьметдиз,
Килиг тийиз, буьркьверикай, хелветдиз.
Гьуьжет алай кар ават1а, успата.               
Тушт1а, жуван, винизвал хуьх гьуьрметдин!

*  *  *  * 
Алцумдай къапариз хуп1 к1анда гьахъвал.
Алцурун,- луту хьун,  я ам ахмакьвал!
Киле- къапуниз  ава кьадай кьадар.
Терезди кьабулдач – са ч1ар кьван мадар!

2014.07.