***
Вольна дыхае дзень вясновы.
Павуціну пляце павук.
Павуціна – жыцця аснова
Для ягоных і ног і рук.
Зноў на волю выходзіць вецер
Ткаць шаўкі парыжэлых траў,
Гнуць бярозы расталай вецце
І над студняй хістаць жураў.
Дзень вясновы, як вецер вольны,
Сакавіцкі пляце вянок.
Свет раскуты, жывы, раздольны
П’е бяроз маіх белых сок.
25. 03. 2019 г., Радашковічы
Вольна дыхае дзень вясновы...
© Copyright: Юрий Боровицкий, 2019
Свидетельство о публикации №119032504219
Свидетельство о публикации №119032504219
Рецензии