Дагъвидин хва, гапур юкьва
Хкажа кьил ,акъая вил.
Кар я герек, вун я эркек
Кьулухъ тур к/ам , йигинра кам
Дуьнья ква ви к/вачерик!
Жуван чилел , шад ая эл
Дидедин веси хуьх рик/ел.
Халкь сад ийиз, дагъ пад ийиз
Ч/угу зегьмет юкъуз-йифиз
Дуьнья ква ви к/вачерик!
Вегьемир кар пакадал на
Акъуд кьилиз чкадал гьа .
Аслан хьиз хьухь , жемир ву къуьр
Шегьердиз элкъуьра на хуьр.
Дуьнья ква ви к/вачерик!
Жегьилзамаз хуьх на намус.
Кич/е жемир гьич, ваз са к/ус.
Аватзавай патак муькъуьн,
Кутур жуван къуватлу къуьн.
Дуьнья ква ви к/вачерик!
Лув це цава хвена сабур
МУьт/уьгъара жуваз абур.
Четин ч/авуз акъудмир сес
Хайи чилин хьухь вун, иес.
Дуьнья ква ви к/вачерик!
Хан хьурай вун дагъвидин хва
Цаваринни чилерин!
Амукьдайвал дуьньядани
Нехишар ви гелерин,
Вири дуьнья кутур вуна к/вачерик!
Дуьнья ква ви к вачерик
© Copyright: Гулья Мисриханова, 2019
Свидетельство о публикации №119031700461
Свидетельство о публикации №119031700461
Рецензии