Кадрия - Стихи в переводе на табасаран

                КАДРИЯ

ЙИЗ ШИЪРАР УЗУ ЯРАТМИШ ГЪАПIДАР ДАР…
(НЕ МНОЮ СОЗДАНЫ МОИ СТИХИ…)
 

Йиз шиърар
узу яратмиш гъапIдар дар –
Хъа шиърари узу
гъапIну яратмиш.
Йиз аьдати нивгъаркан
дапIну гевгьрар,
Учвуз булди
гъапIну дурари багъиш.

Узу шад вахтна,
дурари йиз аьлхъюб
Дюзмиш гъапIну
ахмиш шулай нирариз,
Хъасин багъиш гъапIунчвуз
йиз ккебехъуб,
    Уч алапIну
    ва илтIибкIну дагълариз.

Ничхрар саягъ
мютIюгъ апIуз завун гъат,
ТIирхру фикрар
учвуз бахш апIураза.
    Йиз гъубшу уьмур,
    гъюруб ва мюгьюббат-
Узуз айиб вари
учвуз тувраза.

Гьаци апIин кIура узуз шиърари,
Узуз жил`ин уьмур багъиш гъапIдари.




 ИНСАНАРИН ГУЖ ФУ ХЬИДИ?
(ЧТО ЛЮДИ? ЧТО НЕДОМОГАНЬЯ?)

Инсанарин гуж фу хьиди?
Иццрушнарин гъагъ фу хьиди? -
Итнайириз жвув гафарин 
Ва цIарарин гъияматдиъ?

Белки, даршУл йиз шиъраригъ,
Халкьдиз апIруб аьхю тясир.
Гьарсарикан даршулда ригъ
          Ваяки уьмур тувру нир.

Анжагъ узкан вахтна цIюхъюм
Дахаргнайриз штун хумпI дархьиш,
Вая йигъан, писди аьхъю,
Шлиз-вуш мани цIадал дархьиш,

Поэзияйихьан жара
Ишри узу йикIайизкьан,
Дубгри чав йиз айи чара,
ДарапIри йиз аьжали кьан.




 УВКАН ЛИЗИ НИЧХИР ГЪАХЬИШ…
(ТЫ ОБЕРНЁШЬСЯ БЕЛОЙ ПТИЦЕЙ…)
               
Увкан лизи ничхир гъахьиш –
Узу ув`ин зав тIабццурза.
Эгер увкан мяъли гъахьиш –
Узу му яв нугъат шулза. 

Дагъ хьидива –
       Шулза рибчрар,
Яв гъярариз гъюруганси.
Хьидивкан кюкйирин багълар -
Хурза дина хьадукран сир.
 
Узу ккун гъапIиш –
                Шулзухьан
Яв гьиссариз лайикьлур хьуз.
Уву дяргъиш – гъюрзавухьна,
ДарапIишра теклиф узуз.

Анжагъ яв юкIв ичIиди вуш,
Дидиз узу хьидинхъа хуш?

 
      ИлтIикIур Эльмира Аьшурбегова