Шегьерда уьмуьр физ ватан рикlеваз
Дидедлай савкьват тир шални гъилеваз,
Шумудни са йифив вугуз хажалат...
Гьикьван вун жеда жал, дагъларин тават?
Вун авай яргъара вуч кьит я ракъар -
Гатузни цавари эч1ирда кварар ...
Дак1ардай килигиз амачиз такьат
Квехъ къекъвезва вун,лагь, дагъларин тават?
Паталай инсандиз бахтавар акваз -
Винелай ваз хъуьрез, къеняй вун жакьваз,
Хиялри къакъудиз секинвал, къуват
Гьикьван вун жеда жал, дагъларин тават?
К1валикай хьанва ваз къизилдин кьефес,
Дарих яз ватандихъ дар жезва нефес...
Карагиз вилеркай к1анидан къамат,
Гьикьван вун шехьда жал, дагъларин тават?
Гьикьван вун жеда жал, дагъларин тават?
© Copyright: Гасанова Гюзеля, 2019
Свидетельство о публикации №119031309568
Свидетельство о публикации №119031309568
Рецензии