Кьурай булах

Хуьруьз мукьвал,
Рехъ - кьве виш кам.
Тамун гапа1ал.
Булахдин к1ам.

Ван хъутуьл яз,
Кур-кур алаз,
Жезвай авахь
«К1амун булах».

Гьа ихьтин т1вар
Алай вичел.
Кьве мегъуьн тар
Алай кьилел.

Пун, тарарин,
Къванци къене,
Гьа инлай тир
Булахд чешме.

Гьар пакамахъ,
Къуша яз чеб,
Бишме, назназ
Алаз ажеб.

Сусар, рушар
Жедай рекье.
Ац1ай кварар
Аваз къуьне.

Вахт атана
Герек йикъал:
Авун патал
Къулай агьвал.

Эвич1на хуьр
Дугуниз генг.
Булахд рекье
Кам хьана ленг.

Техкъвез хьана
Элдин рик1ел.
Кьурана булах
Вегьей хьиз кьел.

Алатна ик1
Йикъар, йисар.
Ц1ийи хъхьана
Мад девирар.

Пул авйда,
Тавуна къал,
Къачуна а
К1ам квай гап1ал.
.
Кьурай гьалдал
Атай чешме,
Туьхк1уьр хъувун
Кьуна хиве.

Ягъиз туна
Сетка-жугъун.
Михьиз туна
Тарарин пун.

Гъана уст1ар
Пайгарвал квай.
Макет-чешне
Къалурна гвай.

Булах хьана
Пуд к1ар алай
Гьар са к1арцик
Ч1утхвар галай.

Сад лагьай к1ар-
Чка кварциз.
Кьвед лагьайда
Чин-гъил чуьхуьз.

Пуд лагьайди
Тир текне хьиз.
Кьац1ай чекме,
Пек-пинедиз.

Акьурлахъди,
К1арара вил,
Акваз жедай
Талукь шикил.

Эцигнавай
Мадни талвар.
Вад к1венк1в алай
Гъетрез ухшар.

Ягъиз хьана,
Атайда, ял.
Гевил к1убан
Авун патал.

Абур, гьалдал,
Жервал гьейран,
Туьк1уьрнавай
Булахд макан!

Яргъал тиртан,
Аниз, мензил.
Улакь гвайдаз
Рехъ тир кьезил…

Хкана булах
Уьмуьрд гъенел.
Желб хъжервал
Махлукъат – эл!

2018. 07.

Шиир куьруь авуна ганва.