Сегьер-сегьер гьевесдивди ацlанвай
Муркlадин сирсилри сесерни хуш я.
Ракъин нурар алтадзавай, ксанвай
Тlебиатни гуьзел, тlарам са руш я!
Живед кьулай, сифте, назик цуькверни
Савкьат я квез гатфарин - ша, кьабула!
Куьн патал я цава гевгьер-гъетерни,
Куьн тахьайтlа цав гьамиша рагъул я.
Шадзава руьгь гатфарин хуш сесери:
Сад я мурад,-Бахтлу хьурай гуьзелар!
Чlур тавурай гуьгьуьлар пис дердери.
Куьн я вири - рикlин гьевес, гъезелар!
Хиялрикай гуьлуьшан бустан хьурай!
Ашкъидикай хиялриз дарман хьурай!
Лайихбурни куь чандиз къурбан хьурай!
Япара куь ширин-ширин ван хьурай!
Бахтлу хьуй
© Copyright: Магомед Мирзоев Мирзой, 2019
Свидетельство о публикации №119030806390
Свидетельство о публикации №119030806390
Рецензии