Къисмат

Серинды акъ севирчер коч1ер а на1х1,
Хылынды ц1оц1 сувуртар, сувкур а вах.
Деринды гьикъ хиц1 йаар гъумаруг, накъ.
Дагъамды рыхъ э1вч1ур а жес выр ад бахт.

Пашмалды ч1ир къиткора гъибгор а нвагъ.
Сувгур а хырыд, жед хад, сылды дамах:
Дегиш йаъ зы йаргод накъ - фикыр кид макъ.
Изды рыхъ гъу гЫма1рых1- гА1марыкъ  захд.

Йивашен хьус йыкый вад: "Маъ зы найакъ,
Вазыры ха1н гъанийий, банымы - акъ.
Гыблире нур хахъыры, хавырхъар вахд...
Язухъан ваз веширы, га1вырхъар захд.

Къудуран ха1л утхъуры, ваар миз лал;
Изды ч1ал йай сувгуры. Йип1т1ыр зас г1ар..."
Вараг1ас йис маннас выр, лавц1уд жес, джам?
Гьикъе гъуй изды аптыр эвирт1ед г1ам.

Ачихан хьур джиш гъуй зад ит кид къоб ч1ал.
Пашмалды гьикъе ийир юк1ды хиял:
Хырыд рых гъу лейкид бан - маъ зас ц1иял,
Аджиште гьикъе йалды дюзды салам.

Къизилад, вазырды къыш, валхор а хьий...
Йиц1ар а гыблид гымыш ха1лды йавий.
Темиз ваъ уле ад нагъ, мееш гъу мий...
Аллайар къисмат вас выд, уха1ъ рагъзин.

04.03.19 г. А.С. Кузиева.