Са даьш хьалъяь, шира гIалаш,
Венав, воI хиларца се,
Дагахь цIена нигат долаш
Вахар шуца Iалашда.
Латт со шуга салам телаш –
Цецвувлийташ да шун сурт.
Ва со шуца дог гIоздувлаш –
Сона-м хац кхы хозагI фуд.
Безам бац са шуцар къаста –
Даимм укхаз хилар лов,
Лов шун хIара кхера хьаста –
Из са дега чIоагIа тов.
Духьал увтт уж яха ханаш –
Лоам чу хала баьха дай:
Иразан шой хьулдеш канаш,
Дог-безаман лусташ тай.
Тахан гу шо гIозаяьнна,
Нускалаш шоаш долаш мо,
ТIера сибат эргадаьнна,
Кийча йолаш кхоане го.
Са даьш хьалъяь, шира гIалаш,
Венав, воI хиларца се,
Дагахь цIена нигат долаш
Вахар шуца Iалашде.
Апрель, 2013 шу.
Шира гIалаш
© Copyright: Аслан Куазо Ингушетия, 2019
Свидетельство о публикации №119030305920
Свидетельство о публикации №119030305920
Рецензии