Зи къастуни зав секинвал вугузвач.
Гьикьван вахт я,вуна и кар кьатIузвач.
Я кьисметди маса патахъ тухузвач.
Къаравул я ви рекьел вил эцигна.
Вун я зи гъуьрч,зун гъуьрчехъан гелевай.
Кьарувилин къараз-яракь гъилевай.
Эхир са къуз кьада за вун,гьуьлевай
Балугъ руш хьиз,уламдал чил эцигна.
Залан хьайла бахтунин кьил терездин.
Ви юкь кьуна акъвазда зун гьевесдив,
Ви гардандихъ галукьиз бугъ нефесдин,
Са геренда ви къуьнел кьил эцигна.
Эрк галукьна кIанивилин шавгьардин,
Зи хуравай туькьуьл тир кIватI кьагьардин,
Гадарна хьиз кIаниз дерин дагьардин,
Ацукьда зун ви гъилел гъил эцигна.
Зи къастуни
© Copyright: Сейфудин Шахпазов, 2019
Свидетельство о публикации №119021905278
Свидетельство о публикации №119021905278
Рецензии