***
На мяжы беларускай зямлі
Між алешніку й сіняга бору
Нарадзіўся тады я, калі
Ў небе жнівень запальвае зоры.
У той вечар кароўкі брылі
З паплавоў і вярталіся з пашы,
І бацькі маладыя былі,
Й між каровак – дзве цёлачкі нашы.
У той вечар над вуліцай пыл
Зноў мяшаўся з малочным туманам
І з малочным жа водарам плыў
Над дарогай маёмасным панам.
Нарадзіўся тады я, калі
Ў небе жнівень запальвае зоры
На мяжы беларускай зямлі
Ў вечаровым далёкім прасторы.
16 лютага 2019 г.
На мяжы беларускай зямлi...
© Copyright: Юрий Боровицкий, 2019
Свидетельство о публикации №119021603604
Свидетельство о публикации №119021603604
Рецензии